Digital Missionary Toukhawmna a hing kalsuon Franciscan tote khat in Pasian thu tuhtheina (Landing pad of God's Word) hi vai achi hi

Ireland Gam pansa a hing kalsuon Franciscan tote khat in Digital Missionary Assembly ah hichi'n ana gen hi: Pasian Thu tuhna (landing pad of God's Word) hi vai in Pasian in ahing pieh pil leh siemnate zang vai in, na hinsung ua na mute uh (human experience) zong zang un chi'n ahing kikhawmte kungah aphuong hi. Tam toukhawmna hi meihui tongsan (digital) zanga Pasian Thu phuonna tungtang kikupna lienpi khay ahia, toukhawmna masa pen zong ahia, September 11 nia naki pan ahita hi.

Lai khang dinga kichiel khat ahileh Ireland Gam pansa a hing kalsuonTopa Columbia Jordan CFR ahia, ahing toukhawmte ahileh Asia Gamkaipi a gam tuomtuom a hing kalsuonte ahia ua, ni li tangchip Philippine Gam a Quezon Khuopi a Radio Veritas Asia huong ah toukhawmna amang uhi. Ireland Gam a hing kipan Topa Columbia Jordan thului ahileh: "From Ego to Authentic Witness" (Eima leh eima kitawisangna nuasie a techi dihtah hina) chi'n aminvaw a, athugenna ah eima leh eima kitawisang nawnsih vai in, ahing zing Khrist techi in pang zaw vai chi'n ahing kikhawmte ahantawh hi.

Tam toukhawmna ahileh Federation of Asian Bishops' Conferences-OSC Vai Inn saina neia kiguong ahia, Radio Veritas Asia innteh in apanga, Vatican a Dicastery for Social Communications kithuoipi toh kimang ahia, 'Fully Present' kichi Network inzong akithuopi jel uhi. September 10 a pat 13 tan atoukhawm ua, thupi ahileh: "Influencers to Witnesses: A synodal Way for Digital Mission in Asia (Mi thuzawna a pat techi hina: Mipi toh zawhkhawm a Meihui Tongsan toh Pasian Nasepna) akichi hi.

Topa Jordan pen Ireland Gam a Franciscan Friar of the Renewalte  khat ahia, Limerick khuopi pan ahi. Ama'n 'Little by Little' kichi meihui tongsan toh thu hawmna (Podcast) tungtawn ah Pasian thugenna leh tahsan guonna (Faith Formation) vai aguong jel l hi. Ama zong meihui tongsan zanga vai tamtah khang let khat ahia, hun phasa khat keima leh keima minthan nading kana sui jel a, ni khat ni'n ka lungah Tuisawp John thugen ka lungah ahing kilou hi: "Kei ka kiemsuh zaw dinga ama dopsangin um zaw heh" chi thu in ei thuzawta hi.

Topa Jordan in tam toh kilebul thu khat agen a, mi phasa khat meipuo luo in thu phuong ngam lou in aum ua, Pasian silpieh zang ngam lou in aum uhi achi hi. Hichia Pasian thu phuong ngam loua na um u'leh na mai u'ah limbawng (camera) khat tung unlen tuachin hinna tha khat na mu ding ua tua khu Pasian silpieh ahing suoh ding hi achi hi. Tua ahijieh in Pasian silpiehte zang siem unlen hichi'n na tung u'ah Pasian in na tung u'ah na ahing sem ding hi.

Topa Jordan in meihui tongsan zanga Pasian na semte in "Pasian thu tuhna" (landing pad of God's God) suoh un chi'n hantawhna apie hi. Hichi'n Pasian in Mari tunga thu atuhsah mabangin eite zong Pasian thu tuhna isuoh ding uhi. Mari zong mihing khat ahibou a, ahi'n Pasian in amanu tungah thu atungsah a Mari zong ana is kiphal hi. Mari bangin eite zong Pasian thu tuhna hivai achi hi.

"Koi ahiei khat kungah Pasian Thuhoi Thupha ana tung thei hi" achi hi. Techi dihtah hina pen nang in bang na gen nuom ei ah akingasih a mi'n bang angai nuom ei ah akinga zaw hi.

Topa Jordan in agen kia a, mi'n hichi gen in achi masangin keima gennuomteng lien kana gen let hi achi hi. Amahaw tote khat in ni khat ana deh a: "O Pasian mi'n bang angai nuom zaw diei ei hil in chi zaw in" chi'n ana deh hi.

Hichi'n midang phattuom nadingte ka gen panta hi achi hi. Tua kipan in mi ngainuomte gen panta vai chi'n hanthawnna apie hi. Tam Thuhoi Thupha in kei bang tan in ei khel jou e chi'n eima leh eima kidong chien vai achi hi. "Pasian thu kei tungah atung masa ei" chi'n kidong chiet vai chi'n aphuongjah hi.

Khangnoute kunga thu igente amahaw'n demna inzong ang mang thei ding ua liemna zong ahing um thei ding hi. "Bang gen a kinei phuat ne?" chi'n ei dong mai thei uhi. Ahi'n eima hinkhuo pan a pieh ding inei u'leh ei khiasih ding uhi achi hi.

St.John Paul in "Theology of the Body" (Tahsa Pasian deina banga manna) toh kisaia agente zong akawh hi. "Tahsa hi silpieh ahi" chia isan dinguh ngai. Digital Missionaryte'n thu khan (content) umna chia mawh khan ding ahisih a, ihinkhuo ua imute uh ihawmsawn dinguh ahibou hi chi'n ahing kikhawmte kungah agen hi.

St. Luke in agiel Thuhoi Thupha zong akawh kia hi. Pasian Thu khu mihing khat aw pan a hing kipan thei ahi. Luke in Pasian thu agiel masangin ana kigielsate ana khawm jel a, ama san thei dungzui in ana gielsawn hi. Hichi'n Hagau Siengthou in ama ana hilte pawlpi in ana pompieh hi.

Digital missionaryte'n Jesu nasepnate maimai aphuon dinguh ahisih a, Jesu ahinkhuo u'ah bang chibangin ahing ei chia agen zaw dinguh ahibou hi.

"Jesu tuni'n ahing nalai hi" chi'n Topa Jordan in agen a "Tuni ma a ama ikimupi dinguh kisam" chi'n agenzom hi.

Laisiengthou leh eima hinkhuo ah bang ithalawppi pen uoi chia ikingaituo ding kisam mama tualeh hichia ithalawp ni un Pasian in ei umpi hi chi'n thei chien vai chi'n agen hi.

Khatvei St.Therese of Lisieux toh kisai in limpia kapna khat ka nei ua hunkhat ah ka nangeh ahing na a tua khu etnop pen khat ahing suoh hi.

Hichi'n eima hinkhuo a ituote mi dingin inzong phattuomna ahing suoh hi.

Digital missionaryte pen ahing zing Jesu phuong ding mawng ahi ua, ahing zing Jesu techi a apan dinguh kisam chi'n athu gente akhumta hi.

Tam toukhawm hi Quezon City a kimang ahia Asia a Katholik mi, digital zanga Pasian nasemte kipawlkhawmna masa pen ahing suoh hi.