September 10 nia na ki that Pu Charlie Kirk Katholik Pawlpi a lut dingin ana kiguong chi’n thu ana kiza hi. Azi leh atate pen Katholik Pawlpi mi ahi ua, Katholik Pawlpi mi ahilou vangin Pu Charlie Kirk pawlpi thuhilte ana pom gige a, azong tamveipi ana gen hi.
Ashi masangin siempupi (bishop) khat toh Katholik Pawlpi a lut ding ana kikuppi kha hi.
Ashi masang, kal khat masang vel in California siempupi, Pu Joseph Brennan toh ana kihou a, ka zi Katholik ahia, kei zong kahing lut nading nailam chi’n ana gen hi. Ahi’n hamsietna lienpi toh September 10 ni’n Utah Valley University a sangnaupangte kunga thu agen laitah akikap a, hichi’n gintat lou in leitung anuasieta hi.
Katholik Pawlpi mi hisihleh zong, Katholik Pawlpi toh ana kinai mama a, azi ata toh biehinn ana kailet gige hi. “Katholik kahing suoh nading naita mama” chi’n Pu Bishop Joseph Brennan kungah ana gen kha hi. “Katholik Pawlpi ka ngielna tualeh pawl dingte’n Mari athuse lou uh zong pha sa sing. Mari tungtang thu kitawn gen luo tualeh pawl dangte’n zatatna zong apie tuonsih ua, tam pen dih sa ing.
Tua ban ah USA mite dingin Mari bou etlawm in um adiehdieh numeite kidopsang val jieh in” chi’n khatvei limpia (video) ah ana gen hi. Numeite kidopsang valna (toxic feminism) in khuo leh tui buoisah. Tuasangin numeite’n Mari etlawm in koi uhleh, numeite dinmun ahing kisuh zaw ding hi” achi hi.
Leitung pumpia Katholik Pawlpi in Pu Charlie Kirk shi adapi mama ua, Pu Pope Leo nasan inzong patatna thu agen a, tulai umtandan hi abua deua, mihing lungsim in ahoi asie in akoi a, asie ahoi in aki koi hi chi’n agen hi. Hichia zatat huoi Katholik mi hilou khat pawlpi zatatna apieh pen tuhun a dingin amasa pen khat asuoh hi, ajieh pen Pu Charlie Kirk in pawlpi thuhilte ana pom gige a, azong ana gen jel hi. Germany gam a Pu Bishop Muller in ama khu tulai a dingin Misiengthou Paul toh tethei ahi achi hi.
