Bishop umlou in Pawlpi aum theisih hi : Cardinal Grech, Defence Espiscopal Authority in FABC Khawmpi a gen.
Synodality Pawlpi sunga jui hoi ding pen Bishopte thaneina kiem leh kilahkhie ding china hilou in, Pawlpi sunga tasanna leh Pawlpi sunga nasemhoi kibelapna leh hatna hing pieng jaw ding hichin Cardinal Grech FBAC Khawmpi thugenna ah ki chientah in kikhawm Bishopte kunga gen hi.
‘’Bishop umlou in Pawlpi ahingjou sih dinga, Pawlpi umlou in Bishop um theisih a, tua jiehin Synodality juichiet in mapang in nasem khawm khu Pawlpi lawsamlou in hing hatsa jaw ding hichin Pu Cardinal Grech’’ in gen hi.
‘’Leitung bup catholic in tulaitah khosah pen Synodality ah Pawlpi nasem pan ding chi nasatah tangkou pen hinatoh diocese umna chiet ah Bisopte’n toute leh siete toh kithuohkhawm leh kihoutuoh ah Pawlpi nasem pan ding khu’’ Pu Cardinal Grech in deisah thu jong phuong hi.
‘’Bishop in mipi awsuo ngai khu amaneu kisah leh thaneina kiem dingin gellou in Pawlpi hatna dingin synodality juia Pasian nasep ding poimaw leh Pawlpi kipumkhat theina jawding ahi chin gel hen’’ chin deisahna Cardinal Grech in thugen sansawn hi.
‘’ Synodality semding jiehin bishop thaneina kiemsuh ding hilou in, Bishop pen Bishop ma ahi dinga kikhel ding pen Lamkai dan tuom in hingpei dinga pawlpi khantouna leh hatna banah pawlpi sunga kitahna leh thuidhna hing tungsah ding ahi chin’’ Cardinal in gen sawnsawn in tawp thu Synodality Pawlpi sunga poimaw dan toh vaiha hi.
