NICHIN THUMNA PUITU
By Rev. Awnkhankhup
OCTOBER 12(KIGINNI)
Thulu: VANMI MELPUO IN I THOUKIA DING
Ahivang in hagau lam a um masa sih a, tahsa lam a um masa hi, tuami nua in hagau lam a hing um hi. Mihing masa khu leivui a siem leimi ahia, mihing nina pen van a hing kipan Mangpa ahi. Leivui a siem leimi khu leivui a kisiem pa bang ahi ua, vanlam mite zong van a mite bang ahi uhi. Lei a kisiem mel i puoh bang un, vanmi mel zong i po ding uhi (1 Kor 15:46-49).
Mihing masa pen Adam ziehin Pasian hamsie natnate, lungkhamna leh shinate ina tang uhi. I tahsa khu leivui a siem ahiziehin leivui a kilekia ding ahi. Hinanleh, Jesu ziehin hagau a hinsah ihita ua, i shina pen i tawpna ding uh hilou in, tangtawn hinna kipatna bul ahizaw hi. Adam suon ihizieh un lei tahsa pieh in i um ua, Jesu gingtu te ihizieh ma un hagau tahsa pieh i hi kie uhi. I thawkia hun chieng un zong lei tahsa bang hinawn ta lou in, van tahsa nei in i thoukia ta ding uhi.
