NICHIN THUMNA PUITU By Rev. Awnkhankhup
September 09 (Ziltawpni)
TAWMNOU KHAT TUNG A MUONHUOI
Apu in a kung ah, suoh hoi leh muonhuoi, na bawl hoi hi, sil tawmnou tung ah na muonhuoi a, sil tampi tung a vaihawm in ka hing koi ding hi. Na pu kipahna ah lut in, a chi hi (Mt.25:21)
Pasian in a silpieh a hing kepsahte khu i suhpung ngeingei ding ahi, a ziehpen khatvei ni chieng a i nasep bang zel a nuomman hing pe ding ahiman in (Mat. 16:27). Talent khat mupa bang a silpieh i don pen phummang mai i hi khahleh Mangpa kipah hetlou ding ahi. I tangteel ah suoh gin-um, tawmnou khat tung a zong muonhuoi i mu ua, tuabang mihing hi thei chiet sawm va ui. Pasian in eima phahna chiengchieng a a hing kepsah, hattuom ah leh eima nehsuina chiet ah gin-um tah in i kem chiet ding uhi. Khatvei ni chieng a Mangpa tuoh ngeingei ding i hi man in, tuami hun chieng a, ‘suoh hoi leh muonhuoi' chi a hat i hi theina ding in, theitawpsuo in gin-umna leh muonhuoina nei i sawm ding uhi.
