NICHIN THUMNA PUITU
October 15, 2024 (Sepkiani)
Thulu: SUIDING DIHTAH
Ann mangthang sui in phephe sih unlen, mihing Tapa in a hing pieh ding kumtawn hinna dong a um den ding ann sui in phe zaw un. Pa Pasian in ama tung ah chiemtena a koi ta hi (Johan 6:27).
Mipi sangnga vahna a nei zou in Jesu khu a tuom in apeikhie a, tuachin mipiten akunglam a hing zuon kia ta uhi. A zotkiana zieh uh khu hagau lam sil hilou in, tahsa gilvahna leh a sillamdang bawlte a lunggul zieh uh ahidan Jesun a thei hi. Tuachin, _‘Ann mangthang thei sui in phephe sih un len, hagau lam ann dihtah kumtawn hinna sui zaw un’,_ chi in hagau lam silte buoipi ding in ana hil hi. Buoipi lou ding a hoizaw buoipi a hun tampi suh mangkhah ding a zauhuoi mama hi. Ama Mangpa Jesu buoipi lou a sillamdang a bawlte leh a guolzawlna deizieh a ama zuitu ihi khah ding a zauhuoi hi. Suiding dihtah pen ma sui va ui.
By Rev. Awnkhankhup
