NITENG HATNA
September 13, 2024
(Ziltawpni)
BELHTAK PATHIAN
Taangteel: Ken noute kum sawmli vingveng gamdai ah kahing puia, na puonsilte uh asesih a, tualeh na kedapte uzong asesih hi.(DANPIEHNINA 29:5).
Israelte gamdai ah kum sawmli sung vingveng lou neilou, puan gan lou a khualzin lampai a a om lai ua, anek ding uh bangmahlou akipan piangsak a, a silh lai uh puante leh a but lai uh khedapte se lou dinga koihsakpa Pathian a muanhuai in a belhtak mahmah hi. I hihtheih omlou chih thei napi a phatuamlou pi a lungkham a baihlam a, huai tuh belhtak Pathian' hihna, muanhuaina phawkbanlou ki hi zaw ahi. Israelte gamdai a kum sawmli bangmah tasamlou a koihpa tuni a ei Pathian hilai ahi. Gamlak lilipak khangsak a, tungleng vasate nek ding pia a kempa Pathian in eite a hon deih bang ahia, chih theih kisam zaw hi. Pathian lalgam leh a diktatna zon masak in nei lehang adangte ei buaipih ding om nawnlou ding hi.
Ngaihtuah ding: A poimoh masa ding ka masa sak kha na hia?
