September 16, 2024 (Seppatni)
NU LEH PA-SINSAHTU HOI
Ka tapa na pa thuhilna ngaikhie inlen, na nu thuhilna kiheisan sin. Na lutung a ding in pahkhi kilawmtah ahi ding a, na ngawng a ding in khigui hoitah ahi ding hi (Prov. 1:8,9).
Nu leh pa laisiem zong hilou, nehtawm sui a hasa tah a khosa hamham te bang chidan a sinsahtu hoi hithei ding uh adiei? Pasian thu in kichien tah in ahing hil ta hi. Sinsahna hoi tah khu lungsietna apat a teh ahi zel hi. I nu leh pate sang a hing itzaw ding khovel ah koima a um sih hi. Gil a ga tate khu nu leh pate a ding in gou manpha pen ahi ua, tuaziehin thu hoi leh manpha in lungsietna dih tah toh a chawm ua, tamilan hoitah a nei zel uhi. Nu leh pate thu ahi bangbang a mang a zuite a lawching un a lamzang thei zel uhi. Unau khat sung ah zong nu leh pa thu mang mite a lamzang deu teitei zel uhi.
