NICHIN THUMNA PUITU
By Rev. Awnkhankhup
SEPTEMBER 07 (KIGINNI).
NOAH-PASIAN TOH ZAWHKHAWM
Ginna in Noah in silmu nailoute thu a Pasian taihil a a umlai in, zauna siengthou nei in, a innkuonpite hundamna ding in kuong a bawl a, tami ziehin aman leitung siemmaw a tangsah ta a, ginna zieh a um dihtatna gouluopa ahing hita hi (Heb. 11:7).
Tuichim zang a gawt ngai ding khop a mihingte gitlouna a san lai tah in zong *Noah* khu Pasian mitmu a midih a sim in a um hi. Ama hun lai a midang te gilou in khanse nanuleh, Noah in Pasian a giing veve a, a thu mang in kuong a sui a, tuilet zieh a shina lah apat a innkuonte toh a bit uhi. I hun man sung chiat uah, i suolkhop ding uh khelna umzing zel ding mawng ahi a, ginna a dingdet te a ding in ahihleh, bit thei na ding lampi a umzel thou hi. Noah etton in nei zel va ui.
