October 30, 2024 nia Ngaituo ding Thuhoi Thupha
Laisiengthou taangteel: [Jeremiah:33:3] Hing haan in kahing dawng ding a, sil thupi leh sil kiphuol nathei ngailou uh ka hing hilh ding hi.
Himun a thuchiam loupi leh dettah imuh chu Jeremiah kawm chouh a Lalpan chiamlou in nang leh keikawm a zong chiam ahihman in Lalpa min iphat uhi, Amen
Pathian vaan leh lei siamtu amah ahihleh amite kihuuhpih haat Pathian ahi a, ahihvangin koima khentuam aneilou ahi, hung kou inla ka hung dawng diing achih in mi koima achituam sih a, akou taphot dawng diingin akiman ahi.
Eite in ikouh johlouh jiah bang, inaih johlouh jiah bangun Lalpa’n ideih leh poimoh hung pelou zong ana hithei hi, bangkim ipoimoh sil jousiah amah kawmah tunni.
Ahung dawng diing chouh achisih a, namuh ngeilouh gamvah ka hung puui diing achisuh kiit a loupi hina mai e maw…
Hi umzia chu itan guallouh silte zong ahung pe diing a, ei a diing hilou a ikoih leigou siltuam tuam zong ahung pethei hi chih achiang ahi.
Lalpa akou mite a diinga mansa ahi ichi a, hujiahin anuam ahahsa a amah koutu hithei a, amah mapuina nuai a kitulut hithei diingin aw.
