NISIN NUN PUITU
Date 6 September 2025. Kiginni
THIP BEK IN UM UN
Joshua'n ziagual hin mipite chu thu a hun pia. Kiko un ti thu kahun piak masang sia la kiko loding uh, husa le la neilo ding uh, la kam ua le thu a pawt lo hial ding ahi a tia.(Jos.6:10)
Joshua'n Israel te thip bek ah la um ding uh ahi ati hi aziak um ahi. Zia hun laitak hin Israel te hi pau phal hingei ngei leh thupha kuaman agendawk lo hial ding ahiu ti ahiat ziak in thip bek in um in ati ahi.
Aziak chu bangma matchak umlo ah Jericho kulpi sukchim nading ah vel sagi vel ding chu ngolhuai talua ahi dan longal bangma dang genlo ding ahiu ti ahiat masak ziak in hung paudawk ngei ngei leu mipi lungkiak thei nading leh Lalpa lungnat na ding hun gen dawk tei ding ahiu ti ahiat ziak in pau kiu vin ati ahi.
"Mi ading ah phatchuam nading hilo, lungnatna ding ahem, lungkiak nading ahilo leh Pathian lungnatna ding i gendaw sang ah thip bek cha um hi eima ading in a lawkzaw ahi
