Jesu’n phaah adamsahna 40 Tualeh phaah khat akungah ahingpeia, akhupdin pum in, “Nang deisah leh nahing siengthousahthei hi,” chin angen hi. 41 Tualeh alungsietta mama a atungah akhut zaah in atham a, akungah “Kahing deisah hi, siengthouta in,” achi hi. 42 Tualeh aphaahnatna in anuasie a, asiengthouta hi. 43 Jesu’n ama khautah a giih in apeisahta hi. 44 Tualeh akungah, “Koima kunga na genkhe vawt sih dinga, siempu nava kiensah ding hi. Tualeh mipi’n ahingthei nading un Mousi thupieh bangin na sienthoutah jieh in sillat bawl in.” 45 Hinanleh aman tua thu taangkoupi kawmin apawtdoh a, tualeh athu khu akithaangta a, tuajieh in Jesu khopi sungah kilangtah in aluuttheitasih a, gamlah ah aumta hi.
