NICHIN THUMNA PUITU
By
Rev. Awnkhankhup
February 20 (Pasianni) PASIAN SILPHUT
Aw mihing, Aman hoi a hing ensahta a, Mangpa’n nang a kipat a hing phut bang ahiei? Dihtattah a bawl, hepina ngainat tualeh kingaingiem tah a na Pasian toh zawhkhawm ahisih amah? (Mikah. 6:8).
Mikah hun lai in Israel gam khu a galmuong in a hausa a, khelna zong a pung hat mama hi. Mi thupi leh hausa ten mi genthei leh hasate tuonden in a sil neite uh dihlou tah in lahsah zel uhi. Thudih umlou in, kilungsietna leh kideisahna a um sih hi. Tambang hun in Pasian in a kung a kithoina laan zel napi a, a mihingpite lungsietna neiloute nahpi in a dem hi. Silzousie dihtah a bawl ding, hepina ngaina ding leh ama Pasian toh kingaingiem tah a zawhkhawm ding in a thuhil hi. Tuni hun in eiten zong tam Pasian silphut ngaisah tha va ui.
