NICHIN THUMNA PUITU
October 09/10/2024 (Nilaini)
KROS ZIEH A KILEMNA
Aziehpen Ama eite kilemna ahi a, ikikal a kideidanna banglai a suchimta a, nite khu pumkhat in a bawl ta hi. Dan thupieh sung a thuguot umte kimelmatna khu a tahsa a sumang in, Ama a mite khu mihing khat a siem ding in kilemna a bawl hi. Tualeh kimelmatna khu Kros ah a shisah ta a, tua a shina in nite khu tahsa pumkhat in Pasian toh a hing kilemsah ta hi (Eph. 2:14-16).
Khovel a mihingte khu suongtu bul-leh-bal nei ngen tang ihi ua, i nam leh i tenna gam ban ah i sakho biehna uh zil in chituomna i nei chiet ua, kilemlouna zong inei uhi. Tuate zousie Jesun susie in, Kros tungtawn in kilemna a hing bawlsah ta hi. Juda ten Jentelte khu Pasian hundamna huong pulam a um leh satan neilou bang in a ngaituo zel uhi. Kros in tuabang ngaidan paikhie in, kideidanna leh kimudanate khu subei in, lemna leh muonna ahing tunta hi. Tuaziehin, Kros in zawna a tanna mun pou ah lemna a um hi.
By Rev. Awnkhankhup
