Thupi: KA PIEN NI
Tangtel: “Ka lungsim sung gillam na bawlta a, ka nu gil sungah na hing phankhawm hi” (Late 139:13).
Misiemte gendan in, “Mi khat in gu-le-tang (bone) 206, satah (mucle) 650, Huoh (brain) sunga Cells Billion 20, Samsang (Hair) 1, 20, 000, Lei (Tongue) in a tui leh a al (test) theina tastebuds tul tampi, sil ging (sound) 300,000 zatheina anei hi”, chin agen uhi. Ka Lungtang (Heart) in naikal khat (1 hours) sungin Sisan 250 apekhe a, na (breath) in 28,000 khatvei bang hu lain ka nu gilsungah hing siemtupen Pasian ahi hi. Ka pumpi lamdanna zousie kei theiguol hilou hi.
Pasian in ka pien masangin ahingtheita ahi man in sun-le-zan in ang umpi hi. Aman hing umpi ahiman in Ama kunga nuomthu ka gen ding chilou nasep ding dang a um sih hi. Ka kisiemdan Mangpa’n athei ahiman in (Late 103:14) Ama ah ka muong hi. Kei-le-kei ka kitheina sangin Pasian in hingthei chien ahiman in, kei a dingin Pasian itna thupizaw hi (Rom 8: 28). Jeremiah in, “Naubu sunga nang Ka hing thei tahi, ka pien masangin Na hing suhsiengthou tahi” chin (1:5) agen hi. Sam gieltu in hichin agen hi, “Ka lim kibawlkim nailou khu na mit in amu hi” (139: 16) achia, tualeh agenbe na ah, “Aw Pasian na ngaituonate kei dingin manpha hina va-ia e” (139:17) chi leh “Ka hatlou chiengin na kunga um kana hinalai hi” (139:18) chin agen hi.
Na sunga hing piengding na tate misuoh hen chia na deileh, na naupai lai in Biehinn kaimun in, Laisiengthou sim tam in, thum mun in, thuhoi-thupha zatam in, tua hileh ahing piengding nausen in Pasian hingthei van, nuom in na kipah ding hi. Tuabang ahilai in nang na naupai lai in Laisiengthou na sim ngai ei? Na thum ngai ei? Biehinn na kai ngai ei, Thuhoi-thupha na zatam ei? Tuabang ching ngailou Nu na hileh na sunga hing piengding nausen maban pen lungzin huoi mama ding hi.
HINNA TANGKOU
Devotional Message, 2025
Pastor M. Thangboi Zou
