N I T E N G H A T N A
October 27, 2024 (Pasianni)
AGUH A GUALZOH
Taangteel: Hinanleh, suhvaah a na um nua un, gentheithuoh a buoina hamsatah na thuoh lai uh ngaisut kia un, thuoh gimnate in ahing zousih hi. (Heb 10:32).
Bawngtalte leh kelte sisan in khelhnate lamang thei vual ahihlouh ziakin Toupa Jesu Khrist hong sihna in Pathian' thil phuut a hih tangtung a, hihsiangthou in i om uhi. Hihsiangthou a omte Khrist sihna in abukimsak a, a tawntung a setden ding in kithoihna khatvei a lat khit tak in, Pathian' taklam ah a tuta hi. Tangteel a thu tuh hangsan zel dinga thuhilhna ahi. "Pathian ading a khovel' ma a i hangsanna tuh aguuk a Pathian toh i kipolhdan ah a kinga ding hi. Mahni tung leh sualna leh khovel' tung a vualzohna tuh aguuk a douna ahi masa hi. Hiai aguuk a douna ineih kei leh polam a dalna leng bangchiin i nei thei dia? Aguuk a na vualzoh chiang in akilang in na vualzou thei phet ding hi" - F Whitefield in achi hi.
Ngaihtuah ding: Pasian toh kipawlna nei zel in, ka gualzou zel nai ma?
