Tapa neisun siempu suoh
Nu Elsie Toha in atapa neisun Franciscan Friar Robin Toha siempu asuo na tungah hichi’n agen a, “ka kipah a tualeh katapa ka kiletsah pieh hi ka lungtang kipah na’n kidim”.
“Siempu kingiemkhiet khat leh siempu hoi Pasian huon sunga nasem ang hi nading in thu ka ngen hi”, achi hi.
Amapa hi kum 40 a upa ahita a tualeh Cardinal kitel tha William Goh in apeisa June 21, 2022 ni’n Church of Saint Mary of the Angels biehinnpi ah suhdetna ana pie hi.
Latna siengtho a hunpi a athugenna ah Cardinal Goh in hichi’n agen a, “ Lungdamna neilote hi akiletsah ua tualeh agilou ngap uhi.
Topa mai ah kingiemkhiet vai, tualeh ama deidan a ama nasemte ihi thei nading un pan lavai, ama na hoitah a isep pouleh aman bangma eiki sam sah sih ding hi”, achi hi.
Cardinal Goh in agen kia a, “siempu kichi khat hi hinkhuo nuom mang ahisih a tualeh genthei hasatna hinkhuo ki manaw ahi tuami hunte ah pasian hamuonna inei thei nading un tahtai tah in mipi ading in naa semvai achi hi.
Topa Fra Robin hi Palembang khuo, Indonesia a Buddhist-Taoist innkuon pan a napieng ahia, tualeh tapa khattang a kinei ahi.
Apa omlou zo in anu Katholik ana suoh hi tualeh a innkuon un ana kituisawp pai uhi.
Tua hun lain Topa Fra Robin in Pasian ana tahsan seng khol sih a tualeh agenthei laitah ua bang dinga pasian in kapa tami leitung pan a ei lah pieh adiei ana chi hi.
Tualeh Singapore a laisim dingin apei a tuanah alawmte Katholik ana hi uhi. A lawmte leh Franciscan Friars te puina toh Katholik tahsanna leh upna hoitah in ang neithei hi.
Singapore citizen hina anei zoin Topa Fra Robin nasatah in ahing dammo a tualeh zatote’n kum khat maimai nanei tahi chia
agen nua un lamdang tah in tami natna pan in ahing dam hi. Adamzo in Siempu lampi zui nading in ahing kipie khie hi.
Tuami hunte anua et chieng Topa Fra Robin in, “Topa’n eina tel masa hi chi hoitah in kahing theisiam pan hi. Tuno chinghoi khat leh atuno tea dia hinkhuo phal ngam khat kahi nading in Pasian kungah ka ngen hi”, achi hi.
Siempu hinna lampi azawt na ah Topa’n Fr. Robin mapui zing tahen, Amen.
