Pu Peter Kammang in sie-nasep khawlna leh sie nasep 50 chinna Munpi Vangkhuo ah lawm
Pu Peter Kammang in kum 50 sie nasepna leh khawlna Munpi Vangkhuo ah apeisa ni 1 May 2026 in a khuo leh tui toh nuamtah in mangkhawm uhi. Latna siengthou Fr. Mung in neipi a, Sie Peter Kammang pahtawina in lumsuong khat biehinn huongsung ah kiphum a, tuana Pu Zamkholian, Munpi-Sumchinvum hausapu in honna nei a, Fr. Mark in thupha piena nei hi.
1973 kum in Pu Peter Kammang in Good Shepherd parish, a dingin sie semding in na kilah ah, tuana sawtlou in St. Thomas, Singngat enkawl dingin kisawl pai hi. Singngat ah sepsungin Pawlpi dingin nasatah in nasem in, St. Thomas, Singngat, ama panlahna in gam lienpi na kilei veh ah, tuatham lou in Behiang ah jong na kilei ahi.
Kum 2023 in Meitei gal jiehin Singtom mite Singngat ah galtai in, Relief camp ah beidong hinkhuo amanlai un, Sie Kammang in agam Munpi Vangkhuo, ki phaltah in Singtomte tenna ding napie ah, Topa Mung panlahna in Catholic Pawlpi Indiate panpina toh tammun ah inn 80 kilam ah, tun Singtomte lungnuam tah tengkim tah ua, Inn maimai thamlou in biehinn, Sanginn leh adang2 panpina nga ua,tun khuopi nuam khat suotah ah, tam mun ah Pu Peter Kammang in sie nasep kawl nanleh hausa tuh kia dingin na sem toutou nalai ding hi.
