*SUUNNA VAIGUON*
MANIPUR EVANGELICAL LUTHERAN CHURCH SINGNGAT
Khista a I sanggam it uh
PA TUALKHENPAU@ TUALKHEN (KUM:66)
A TANCHIN TOMKIM
Pa Tualkhenpau khu (L) Pu Thongkhohau, Chief of Likhai leh (L) Pi Kimkhonian te gil-a-ga goutan Ta Pasal leh Numei 5 te lah a, a 3na ding in 10th May, 1959 kum in Lungthul (D) Vangkhua ah ana piang hi. A pianzaw kum 2 aphah i.e 1962 kum apat in Likhai Khuo ah ana teng uhi. 1980 kum in Assam Regiment ah ana lut a kum 9 sung anasem tou hi. 1983 kum in a iit leh deithaw mama azi Nu Chhinglian toh pindan in Pastor Kamkhosoi khut ah naki teng ua, Gil-aga goutan Ta Pasal 2 leh Numei 2 nei uhi. Aman azi nei apat tuni dong in Likhai Village Authority ah Vice Chairman leh Likhai MELC hattuam ah i/c Chairman hina ana tuden hi. Aman a dam sung in Tu-mel 9 ana mu man hi (Pasal: 4 leh Numei:5). Date 21 st January, 2025 zingkal baitah a Likhai apat Singngat hing peitou in,STROKE a buaisia in Singngat Damdoi Inn tut ahia, Lamka lang adia refer kibawl in Lamka Damdawi Inn ah a iit a khosung tuisung a lawm-le-guolte nuosia in a tangtawn mun ding hing na zawtsan ta hi.
Pa Tualkhenpau adam sung in mi siatna ding bawl malmal lou, mi pawl nuam, mi houpi siam, mi deisahna nei leh khotang leh hattuam vai ading a mi kiphal mama khat ahia, khosung tuisung ngaina mama mi zong ahi. Nasep sil bawl a fel leh taima mama khat ahia, ganta huongvul lam a jong ma sawn mama khat ahi hi.
"MAY HIS SOUL REST IN PEACE"
