Cardinal Tagle : Synodal tatah semsuo theina dingin mipi jousie Jesu mit a imuding thupi ahi.

Synodal pen biehinnte hoisiem ding leh pastroral program mang zing ding hilou in, catholic Pawlpi Lamkai lubohte’n mipi jousie Jesu mit toh imu ding poimaw ahi chin  FBAC 12veina Khawmpi ah thugenna khat gen hi.

Cardinal Tagle in gen kiana ah Pawlpi lamkaite’n mipite donlou, thu ngailou ah umleh Pawlpi sunga bangma kikhelna leh khantouna tungsah lou ding ahi chin, Khawmpi thupi kimang zangin in hanthawn thugen hi.

‘’Synodal ditah pen panvai ichileh Topa Jesu in aneu-alian umlou in kibang in siljousie  namu in  nasem ahi, tua jiehin eiten jong Jesu bangin siljousie jong ki bang leh thupi in imu ding thupi ahi’’ chin Cardinal Tagle in gen hi. Eiten sil khat ithupi selou, buaikai chia donlou ah ikoite ah sil thupi um ahi chin Bible ah ‘’Nathanael leh Jesu kihouna pan etsana nei hi.

Cardinal in ‘’ Jesu in leitung lenlai in sil ousie ki bangin chiet in na thupi ngai ah, aneu-alien khenlou in naah asem a, tua jiehin Pastoral lamkaite kunga siljousie jong Jesu bangin aneu-alien khenlou in kiphaltah nasemna nei hen, tuachilou in Pasian nasem na uh kanatna umsih ding hi’’ chin tangkou a. Nang pen siljousie aneu-alien umlou asem dinga Pasian in nang teltuom pen  manghil sin chin theisah sawnsawn hi.

‘’Mi aneu-alien in lungtup anei chiet a hinanleh mitampi’n alungtup uh mualsuo jousih a, tamte jong I Pawlpi sunga jong tung ahi ajiehin amaute khu neilou , tawndawn leh khotang jiehin simmo in aum hi, tua hilou in alungtup uh mualsuo jou na dingun, hamphatnate ah jong koi vai, panpi theina  chiet panpi leh amaute ding nasem kipan vai chin’’ Cardinal Pu Tagle in theisah hi. Amaute’n alungtup uh mualsuo leh khotang khangtou dinga, innsung khangtou dinga tuaban in Pawlpi sung jong khantouna kibelap ding ahi chin gen sawnsawn in tamtoh thugen tawpsah hi.