USA a siempupi minthang, Bishop Robert Barron mi million val in a Meihui Tongsan Kikawmna (Social Media) ah azui ua, tutan in minthanna tamtah atang hi. Ama masangin Phamsa Archbishop Fulton J.Sheen ana minthang mama a, ama ban ah Bishop Robert Barron hita.
Kumlui 2023 kimsuh tan meihui tongsan toh kikawmna ana buoipi a, bangma diocese ah panmun aluosih a, ahi'n kumlui kimsuh in Winona-Rochester Diocese ah bishop dinmun akipie a, tu'n bishop panmun leh social media nasep athuo nalaia, tu-le-le tu in ama thugen lagen akingai nuom mama hi.
Nisim Thuhoi Thupha Ngaituona (Daily Gospel Reflection) nisim in akhaang jel a, Nipi Nitengin limpia ah Thuhoi Thupha akhaang gige hi.
Ama gendan in tukum 2024 pen Pasian thuphuon kum koi pen in ana gen a, tukum sung in laibu 33 ama vai inn pan in akihawmkhie hi.
WORD ON FIRE INSTITUTE kichi sang inn khat aneia, akoimapou Laisiengthou toh kisai a training bawl nuom tapou in min akhum thei ahi.
Sawtlou nalai in YOUTUBEte'n Deisahna Nuomman (recognition lai) apie ua, tam pen ama channel en mi million val anei jieh ahi.
Ana sep hoi akisah jieh in, mi tamtah in sum leh pai toh apanpi a, a studio an van manpha mama leh seppi siem tampi zong anei hi.
Pasian in Pu Bishop Barron nasepna guolzawl denta hen.
