AMERICA ACTOR MINTHANG SHIA LABEOUF KATHOLIK SUOH

Actor LeBeouf

America actor minthang Shia LeBeouf Katholik suoh

 

Actor minthang Shia LeBeouf, in ‘Padre Pio’ tangthu film bawl dingin akisakhol a,

tuanah film bawl masang in Padre Pio leitung hinkho leh ana lenlai  hinkhuo leh ana gamtatnate suichienna bawl in

tuakhu ama film bawl ding kijilna leh bailam tah a Padre Pio charactar thei semsem na di'n  nasahtah nei a,

tuasung ah katholik-te tasanna leh ginna hoi na tampi angmu in katholik sakhuo ahing lut ahi.

 

LeBeouf  in Katholik a Latna siengtho ( Holy Mass) ki bawldan leh Padre Pio hinkhuo in

katholik sakhuo suona dingin lungsim ei nei sahna  hi chin Bishop Barron, Dioceses of Winona-Rocchester kungah agen hi.

 

LeBeouf khu Pasian tasanna neilou  Loki ( Atheist) hinkhuo na mang ahia,

Pio tangthu film  actor a pang dia Director Abel in akimupi in, film bawl ding agen a,

tuanah film bawl ding dan Padre Pio tangthu gen pi in, tuami apat Pasian kungah lutkia ding lungsim ahingnei tha kia ahi chi'n agen hi.

 

LaBeouf pen lungsim genthei leh shi ding lungsim hinkhuo na mang  ahia,

khatvei teng tam leitung hinkhuo hinlona umsih chin ama leh ama

na ki that ding kisah jel a aumlaitah ah tam film bawl ding ah ang ki guong in, Padre Pio tangthu a Franciscan Capuchin in apang a

tuami sung in hinkhuo thupidan leh hintha na lungsim ang nei kia ahi.  

 

LeBeouf in cases tuom tampi nei in, court kai zing mi ahi, tamte jiehin shi ding lungsim na nei in,

tam film bawl jiehin lungsim tha ang nei a, Pasian in hinkhuo khat ei pie kia a,

tamte jousie khu aman lampi jousie ka kisia na dia abawl ahi chin agen hi.

 

LeBeouf in Padre Pio film abawl pen USA ah aki release ding a, LeBeouf ding in jong 2020 kum zoa pat a flim bawl masa pen ahi.

 

 

Add new comment

1 + 0 =