Mark 3:31-35
Jesu nu leh a unaute
Tualeh anu leh asanggamte ahingpei ua, inn maiah ding in ahaan ding mi asawl uhi. Mipite akunga tou ahi ua, akungah, “Nanu leh na sanggamte nang hing ngaah in inn maiah aum uhi,” achi uhi. Khumin aman, “Ka nu leh ka sanggamte koite e?” chin adong hi. Tualeh akunga toute a enkiimveel a, “Tamnah kanu leh ka sanggamte aum uhi. Koi hinanleh Pasian dei banga gamtate, ka sanggam pasal, ka sanggam numei leh kanu kapa ahi uhi,” achi hi.
