John 1: 29-34
Azing ni’n John in Jesu akung lam zuon a hingpei amu a, tualeh aman,“En un, leitung mawnate lamang Pasian Keelnguoinou khu!” achi hi. ‘Ahingpeipa kei saang a thupizaw ahi jieh in, ama kei pien masanga um ahita hi,’kachipa tampa ahi. Keipen in ama kana theisih hi, hinanleh ama Israelten atheithei nading ua, tui a baptis bawl ding in kahingpei hi,” achi hi. Tualeh John thu atheisahte tami: “Van akipat a Hagau Siengthou vakhu banga hing kumsuh, atung a tuong kamu hi, keipen in ama ka nathei sih a, hinanleh tui a baptis bawldinga hing sawlpa’n kakungah, ‘Hagau Siengthou hing kumsuh a atung a tuong namu dinga, ama ahi, baptisma hing bawldingpa khu,’ ahing chi hi. Ken kamuta hi, tualeh ama Pasian Tapa ahi chi kahing theisah hi,” achi hi.
