Luke 1:57-66
Baptistpa John pien thu
Elizabeth nausuoh hun ahing tung a, ta pasal khat aneita hi. Tualeh a innsah a inn hangte leh ahieng akawmte’n, Topan lungsietna thupitah atungah atungsah hi chin aza ua, akipahpi mama uhi. Ni giet ahing chin bepin, nausen teeptan hun ahing hita a, amin dingin, apa min puo a Zekariah hi ding ahia, hinanleh a nu’n, “Hilou ding hi amin pen John ahiding hi” achi hi Amauten akungah, “Tambang min a na innkuonpite uh kiphuo khaloupi achi uhi. Khumin apa kungah amin bang hisah ding e? chin adong uhi. Tualeh aman suonglaikhat a ngen a, “Amin pen John ahi,” achia, a unpi un lamdang asachiet uhi. Tualeh thakhat in akam ahing kihong a, alei ahing kiham a, Pasian apahtawita hi. Khumin a innvengte ading in sil zauhuoi ahing hita a, tam thu jousie Judea gam singtaang ah akithangta hi. Tualeh tam thu azapha tan in alungsim uah, “Tami naungeh bang ahing hi diei?” achi ua, ajiehpen Topa khut zahna atungah aum hi.
