Matthew 21: 28-32
Tapa ni gentena thu
Nouten bang chin na ngaisut uoi? Mikhat in tapa ni anei a, atahpen kungah,‘Tapa, tunin kuon inlen, leeng ga huon ah naa vaseem ta’n’ achi hi. Tualeh Aman adawnga: ‘Kei kuonsih vang,’ achi hi. Hinanleh vai nua in akisia a, avakuonta hi. Tualeh anina pa kungah avapei a, tua mabangin avachi hi. Tuachin aman:‘Pa aw, kuon na vang,’ achita hi. Hinanleh akuonta sih hi. Tuategel koipen in apa lung asupen ei?” achia, amauten “Amasapen in,”achi uhi. Jesu’n akung uah:“Chitahtahin kahing hil ahi. Siedongte leh kizuate Pasian gam ah nou saang in aluut masajo ding uhi. John khu dihtatna lam ah noute kunga hingpei ahia, ama nana tahsang sih uhi. Siedongte leh kizuaten ana tahsang uhi. Nouten tuami nathei nua un zong ama tahsang dingin na kisia nuom sih uhi”, achita hi.
