Matthew 9: 27-31
Jesu’n mitto ni adamsahna
Jesu tuana pat apeitah in, mitto ni in“David tapa, katung uah zangai in,”chia kikou in anua ajui uhi. Tualeh inn sunga aluutleh mittotegel zong ahingluut ua, tuachin Jesu’n akung uah: “Tami bawlthei dingin nahing gingta uh amah?” achi hi, amauten akungah:“Hi Topa” achi uhi. Khumin Aman amit uh atham a: “Na gintaatna bang un natung uah tungta hen,” achi hi. Tualeh amit un khuo amuta uhi. Khumin Jesu’n amaute athuhila:“Tami koima theisah vawt sih un,” achita hi. Hinanleh amautegel apawt ua, gamteng ah amin athangsahta uhi.
