Matthew 24:37-44
Noah hinlaia huntung mabangin Mihing Tapa hingpei hun zong tuabang ahiding hi. Tuisangleet atun masang apat a Noah kuong sunga aluutni dongin ane ua, adawn ua, zi leh pasal in akinei uhi. Tuizin atun chieng in, aunpi ua atawmang masangin amauten bangma atheisih uhi; Mihing Tapa hingpei kia nading zong tua mabang ahing hiding hi. Tua hun chiengin, lou lai ah mi ni umte khat akila dinga, khatpen akinuasie ding hi. Numei ni ann sukhawm lai khat akila dinga, khatpen akinuasie ding hi. Tuajieh in bang ni chienga, na Topa hingpei ding chi natheilou jieh un, hoitah in kiging un. Hinanleh tami thu theichien un, inntehpa’n guta hing kuon ding zan thei masata leh, ana pangding a, a inn aphetvangsah sihding hi. Tuajieh in, na gintaatlou kal hun ua Mihing Tapa hingpei ding ahijieh in, nou zong kigingsa’n um un.
