Luke 18: 1-8
Meithainu leh thukhenpa gentena
Khumin aman lungkelou keei a thu anget ding uh ahi chi a etsahna in akung uah gentethu agen hi. “Khopi khat ah thukhen khat aum a, aman Pasian agiing sih a, mihing zong bangma in asimsih hi; tualeh tuami khosung ah meithai khat aum a, amanu khu ahingpeia akungah, ‘Ka kilung nopmawpipa tungah phuba hing laah pieh in,’ ava chi hi. Khu chin aman hun tomkhat sung ana deehbawl a, ahivangin tomkhat zou a ama-le-ama akingaisut leh ‘Ken Pasian ka giing sih a, mihing zong ka zaa lou vang in, tami meithainu’n ahing suhbuoi zing jieh in aphuba lahpieh mai vang, akhuchi sihleh hingpei zing van in hing subuoi sawnsawn kha va,’chin agen hi,” achi hi. Tualeh Topan, “Thukhen dihtatloupa thugente ngai mawng di un. Amaute panpi ding zekai tanan leh panpi ngaia asun azan a kap amite tung khu Pasian in vai hawmpiehlou ding amah? Ka hing hil ahi, a poimawnate uh a enkhe dinga, a kintheipen in abawl ding hi. Hinanleh Mihing Tapa leitunga ahingpei chieng in ginna amu nadiei i zo?” achi hi.
