LUKE 17:26-37
Noah damlai sil umdan bangin Mihing Tapa ahing peikia nichieng in zong aum ding hi. Noah a kuong a aluut a tuisaang ahing leet a, aunpi ua ashi sieng nikhuo uh atun masangsien ane un adawn ua, zi anei ua, zi-le-ta in akinung uhi. Tuamabangin Lot damlai in zong aum a, ane un adawn ua, a lei ua azua ua, asuon ua alam uhi, hinanleh Sodom khuo akipat Lot apawtkhiet zouzou in, van akipat in mei leh kaat akesuh a, abawn un suh mangthai in aumta uhi. Khu chi mabangin Mihing Tapa hing kilah ni chieng, aum ding hi. Tuami ni chieng in koipou inntunga um in innsunga van la ding in kumsih henlen, koizong lou a um zong hing kile sih uhen. Lot zinu khu thei zing un. Koi hileh ahinna huumbitna sui in ataan ding a, tualeh koi hileh a hinna taan in a humbit ding hi. Ka hing hil ahi, tuami lai in lupna khat ah mi ni a lumkhawm ding ua, khat laahmang in aum dinga khatpen nuasie in aum ding hi. Numei ni ann sukhawm in aum ding ua, khatpen laahmang in aum dinga, khat nuasie in aum ding hi; louma khat ah mi ni apang khawm ding ua, khat laah in aum ding a, khatpen nuasie in aum ding hi,” achi hi. Khumin amauten akungah, “Heisungah e Topa?” achi ua, khuchin aman akung uah, “Gan puul umna mun chin ah langtate zong aumkhawm ding uhi,” achi hi.
