LUKE 17:1-6
Thudih a lamkai khat
Khumin Jesu’n anuazuite kung ah, “Mihingte amawna ua apua ding uh hing tunglou theilou ahi; hinanleh puana hing tungsahpa tung agih hi! Tua mipa in tam mineute lah a khat apuasah saang in angawng ah bu heehna suong ki-awsah henlen tuipi ah kipailuut leh ama a dingin ahoizo ding hi. Pilvang un, na unaupa’n sil abawlkhiel leh phawh inlen, a kisia leh ngaidam in. Tualeh nikhat sunga na tunga sagivei sil abawl khiel a, sagivei ma na kunga kisiana toh ngaidam ahing nget leh na ngaidam ding ahi,” achi hi.
Ginna silbawlthei dan
Khumin sawltahten Topa kung ah,“Ka ginna uh khangsah in,” achi ua. Tualeh Topan akung uah, “Ankam tang chie khat ginna nanei uleh tami singtheimi kungah, ‘Kibotdoh inlen tuipi ah va kisuon in,’ chi ulachin na thu uh amang ding hi.
