JOHN 2:13-22
Biehinn siensuona masapen
Khumin Jiute Peisan pawi hun anaita a, Jesu Jerusalem khuo ah ahawtouta hi. Biehinn ah bawng, keelnguoi leh paalva zuate leh dangka heehneen a toute amuta hi. Tualeh kisaatna khau-huol asiem a, biehinn akipat in keelnguoite leh bawngtalte adelkhie a, dangka heehneente dang ka abuohsah a, adawkante uh asawnpuata hi. Tuachin paalva zuate kungah, “Tami silte lakhie un nou ten kapa inn summeet bawlna inn in mangthei sihva uteh,” achi hi. “Na inn a dinga phatuom ngaina in ahing netum ding hi,” chia kigiel nuazuiten atheikheta uhi. Tualeh Jiuten akungah, “Bang etsahna a tami na bawl ahiei?”achi uhi. Jesu’n akung uah,“Tami biehinn susie un, ni thum sungin dingsahkia ding kahi,”chin adawng hi. Tuachin Jiuten akungah, “Tami biehinn kum sawmlileguh luut a kilam ahia, nangin ni thum sunga maw natun ding kia ding?” achi uhi. Hinanleh aman atahsa pum biehinn agenna ahizaw hi. Tuajieh in shina akipat athaw chieng in, anuazuiten tami thu agen atheikheta ua, tuachin laisiengthou leh Jesu thugente agingtata uhi.
