Luke 16: 9-15
Tualeh kahing hil ahi, dihtatlouna sum in lawm-le-guol kisiem inlen, sumpen abei hun chienga kumtawn a aumna a noute zong ahing umsahthei na dingin.
Adih a sum zahna
Koi hinanleh tawmnoukhat tunga gin umpa tampi tungah zong a gin-um hi; tualeh koi hinanleh sil neunoukhat tunga dihtatlou khu sil lienpi tungah zong gintaat aum sih hi. Sumkeem tungtaanga bawn na gin-um sihleh koi in ahiei noute sum dihtah hing keemsah ding? Tualeh midang tunga bawn nagin-um sih uleh nouma dingin koi in ahiei ahing pieh ding? Suoh khat in pu ni naa aseem khawmthei ngaisih hi; ajiehpen khat amuda dinga, khatpen a lungsiet ding hi, ahisihleh aman khat ahum tuom dinga khat apai ding hi. Pasian naa leh sum naa naseem khawm theisih ding uhi,” achi hi.
Jesu’n Pharisaite aphawhna
Tuamin Pharisai sum ngainaten tuami thute azaahtah un ama khu anuisan uhi. Hinanleh aman akung uah, “Nou khu mihing mitmu a kisiemtangsah maimai nahi uhi hinanleh Pasian in na lungtang uh athei a; ajiehpen mihingte lah a kitawisaang khu Pasian mitmu a kidah umtah mai ahi.
