MATTHEW 5:1-12
Muoltunga thugen
Khumin mipite amu in muol tungah akaltou a, atoujou in anuazuite akungah ahing pei uhi. Aman thugen apan a, tambang in amaute thu ahil hi: Hamphatnate 3“Hagau a gentheite ahampha uhi, ajiehpen vangam ama ua ahi. Kap-le-maute ahampha uhi, ajiehpen hamuon in aum ding uhi. Lungneemte ahampha uhi, ajiehpen, leitung gouluo ding ahi uhi. Dihtatna jieh a gilkiel dangtah thuohte ahampha uhi, ajiehpen tai ding ahi uhi. Mi hepi siemte ahampha uhi, ajiehpen, hepina amu ding uhi. Lungsim siengthoute ahampha uhi; ajiehpen, Pasian amu ding uhi. Kilemna bawlte ahampha uhi, ajiehpen, Pasian tate akichi ding uhi. Dihtatna jieh a gawtna thuohte ahampha uhi, ajiehpen vangam ama ua ahi. Kei jieh a miten ahing housiet ua ahing bawlsiet ua, juou thu a sietna chinteng a ahing heeh hun chieng un ahampha nahi uhi. Kipah unlen, nasapi’n nuom un, van ah na nuomman ding uh atam hi, nou masanga guolneite zong khum bangin ana bawlsie uhi”.
