Luke 14:1, 7-11
Tualeh hichibang ahi a, khawlni a Pharisai lamkai khat inn a ann-ne dinga akuon in amaute’n a enkhie uhi.
Kingainiemna leh zin bawlsiem thu
Tualeh michielte’n touna nop pen a atou zing uh amubep in akung uah gentethu agenpieh a, “Moulopna pawi kibawlna mun a mikhat in ahing chiel chiengin touna noppen ah tousin, ajiehpen, nang saanga lienzaw aman nachiel khaleh nang hing chielpa leh ama nang kungah ahingpei ding ua, ‘Tam mipa touna awn in,’ ahing chi ding hi, Tuachi’n nangpen zumtah in na dingdoh dinga touna nuomloupen ah nava tou ding hi. Hinanleh hichibanga ahing kichiel chiengin vapei inlen touna nuomloupen ah vatou in, tuachia, nang hing chielpa ahingpei chiengin nakungah, ‘Lawm aw, touna nopzopen ah vatou in,’ahing chi dinga, tuachin na annkuong iimpite maiah zaabawl in na um ding hi. 11 Ajiehpen, koi hinanleh ama kingaisaang tapou khu suhngiem in aum dinga, tualeh koipou ama kingainiem pouma tawi saangin aum ding hi,’ achi hi.
