Luke 11:5-13
Thunget ding dan Jesu’n ahilna
Khumin aman akung uah, “Na lah uah mi koi ahiei in lawm khat nei henlen, zankhang lai in akungah vapei in, ‘Lawm aw, tanghou tawn thum hing batlaahsah in. Ajiehpen ka lawmpa khat khuol zin ahing tunga, amai a luipieh ding bangma kanei sih hi,’ achi hi. Tualeh aman innsung akipat in, ‘Hing subuoi sin, kot khah ahita a, katate toh kalumta uhi. Tuajiehin kathouthei sih a, bangma kahing pe theisih ding hi,’achi hi. Kahing hil ahi, a lawmpa ahijieh in va thou in vape utsih nanleh, a nget paupau jieh in thou in avape ding hi. Tualeh kahing hil ahi, ngen un, pieh in na um ding uhi; sui un, namu ding uhi; kiu un, nou a dingin ahing kihonpieh ding hi. Ajiehpen, angen pouma pieh in aum a, asui pouman amu hi. Tualeh akiu pouma honpieh in aum ding hi. Nalah ua pa khat in a tapan ngasa ngenta leh, ngasa taanga koi e guul pe ding? Ahilouleh aahtui ngenta leh koi ahiei mom-ai pe ding? Nou migiloute in bawn natate uh silhoi pieh dan nathei uleh napa uh van a um in Hagau Siengthou angen tapou kungah atamzoseem in hing petham va,” achi hi.
