Matthew 9:9–13
Jesu’n Matthew ahatna
Tuana kipat in Jesu apeikhie a, siedonna mun a tou pasal khat amin Matthew amu a, tualeh akungah: “Hing jui in,” achi hi. Tuachin amapa adingkhie a anua ajuita hi.
Mawneite toh annkuong a iimna
Khumin innsung a annkuong a iim laitah un, ngai in, siedongte leh mikhielte tampikhat ahing pei ua, Jesu leh anuazuite annkuong aiimpita uhi. Pharisaite’n tuami amutah un anuazuite kungah, “Bangdinga na lamkaipa un siedongte leh mikhielte kunga ann aneh ahiei?” achi uhi. Hinanleh Jesu’n ajaahtah in: “Michidamte’n zatou akuulsih ua, midamloute’n akuul jaw uhi.” Pei inlen, “Kithoina deilou in hepina ka deijaw hi,” kichi khu va simta’n. Ajiehpen midihtatte haan ding a hingpei kahisih a, mikhielte haan ding a hingpei kahijaw hi,” achi hi.
