Luke 7:36–50
Jesu keeng thau nuna leh leiba nei nite gentethu
Pharisai khat in Jesu ann nehpi ding in achiel a, ama a inn ah ahingpei a, ann neding in atou uhi. Tualeh ngai un, khosung a um mawnei numei khat in Pharisaipa inn a ann neding ahi chi athei a, suongngou thawl ni sathau ahing tawi hi. Anualang a um in a keeng bulah akap a, ahitui in a keeng phaang asilpieh a, a sam in a nawt hul a, sathau anupieh hi. Ann ne ding a chiel Pharisaipan, alungsim a guolnei ahileh, athamnu khu in, “Tua numeinu khu mawnei hi a, bangchibang numei ahiei chi thei ding hia,” achi hi. Tualeh Jesu’n akungah, “Simon, nakungah gen ding khat kanei hi,” achia, tualeh aman, “Bange Siepa?” chin adawng hi. “Mi koi ahiei khat in, sum lei tawi ni aneia, khatpan dangka zanga a baa a, khatpan sawmnga abaa a, khatpan sawmnga abaa hi. Amaute'n apieh zoulou bep un, ani un angaidamta hi. Tua chin ama koipen in a it zoding uoi? Simon in, “Kei ngaidan in ngaidam tamjopenpa in”, achia, Jesu’n “Na dawng dih hi” achi hi. Khumin numeinu lang a kihei in Simon kungah, “Tam numeinu namu ei? Na inn a kahing luut a ka keeng sil nading tui nahing pesih hi, amanun ahitui in ka keeng phaang ahing silpieh a asam in anuul hi. Nang lah nahing tawpsih a, amanun lah kahing tun akipat in ka keengphaang atawp akhawl naisih hi. Ka lu zong sathau nahing nupieh sih a hinanleh amanun ka keengphaang sathau ahing nupieh hi. Tuajieh in, ka hing hil ahi, amanu mawna tampite ngaidam ahita hi, ajiehpen aman ahing ha it jieh in, hinanleh itna tawmte akingaidamna zong atawm hi. Khumin aman numeinu kung ah,“Na mawnate ngaidam ahita hi,” achi hi, Tualeh tuamun ah ama toh ann nekhawmte khat-le-khat kihou in, “Mawnate nasan ngaidam tampa koi e?” achi uhi. Khumin aman numeinu kungah, “Na ginna in ahing hundamta hi;lungnuomtah in peita’n,”achi hi.
