Luke 6:20-26
Thupha ngathei nadingte
Khumin aman anuazuite lam a entou a, “Azawngte aw, thupha na nga uhi, ajiehpen Pasian gam nou a ahi. “Tu a gilkielte aw, thupha na nga uhi, ajiehpen agilva ding nahi uhi. “Tu a kapte aw, thupha na nga uhi, ajiehpen anui ding nahi uhi. “Mihing Tapa jieh a miten ahing huot ua, ahing pampai ua, na min uh ahoilou hi chia ahing paidoh chieng un thupha na nga uhi! Khumi ni chieng in kipah in laam unlen nuom un, ajiehpen van ah na nuomman uh athupi hi; apu apate un zong guolneite khum bangin ana bawl uhi. “Hinanleh, mihausate aw, natung uh agih hi, ajiehpen nouman kihenepna na nga zouta uhi. “Tu a gilvatah a umte aw, natung uh agih hi, ajiehpen gilkiel ding nahi uhi. “Tu a nuite aw, samsiet in um un, ajiehpen, da-le-kap a um ding nahi uhi. “Mijousien ahing phat ua ahing pahtawi hun chieng un natung uh agih hi, ajiehpen apu apate un zong guolnei dihloute tungah tuachin ana bawl uhi.
