Matthew 1: 1-16, 18-23
Jesu khanggui
Abraham tapa, David tapa, Jesu Khrist pienna khanggui kisuutna. Abraham tapa Isaak ahia, Isaak tapa Jakob ahia, Jakob tapa Judah leh asanggam pasalte ahia, Tamar aki pat a Jakob tapa Perez leh Zerah ahia, Perez tapa Hezron, Hezron tapa Ram ahia, tualeh Ram tapa Amminadab ahia, Amminadab tapa Nahson ahia, Nahson tapa Salmon ahia, Salmon tapa Rahab akipat in Boaz ahia, Ruth akipat a Boaz tapa Obed ahia, Obed tapa Jesse ahia, tualeh Jesse tapa David kumpipa ahi. Tualeh Uriah zi akipat a David tapa Solomon ahia, Solomon tapa Rehoboam ahia,Rehoboam tapa Abijah, Abijah tapa Asa ahia, Asa tapa Jehoshaphat ahia, Jehoshaphat tapa Joram ahia, Joram tapa Uzziah ahia, tualeh Uzziah tapa Jotham ahia, Jotham tapa Ahaz ahia, Ahaz tapa Hezekiah ahia, Hezekiah tapa Manasseh, Manasseh tapa Amos ahia, tualeh Amos tapa Josiah ahia, Babilon lam a sal a ataan laitah ua, Josiah tapate Jekoniah leh asanggam pasalte ahi uhi. Babilona asaltaanjou un, Jekoniah tapa She alti-el ahia, She-alti-el tapa Zerubbabel ahia, Zerubabel tapa Abiud ahia, Abiud tapa Eliakim ahia, Eliakim tapa Azor ahia, tualeh Azor tapa Zadok ahia, Zadok tapa Akim ahia, Akim tapa Eliud ahia, tualeh Eliud tapa Eleazar ahia Eleazar tapa Matthan ahia, Matthan tapa Jakob ahia, Jakob tapa, Mari pasal Joseph ahia, tua Mari apat a Khrist kichi Jesu hing pieng ahi.
Jesu hing pien dan
Tu’n Jesu Khrist hing pien dan hichi bang ahi. Anu Mari khu Joseph toh akikhaam lai ua, aumkhawm ma sang un, Hagau Siengthou akipat in agaita chi akitheita hi; tualeh apasal Joseph midihtat ahijieh in amanu azumsuo nuomlou jieh in, khendap asawmta hi. Hinanleh tuami angaituo laitah in, en in, amangin Topa vansawltah khat akungah ahing kilah a;“David tapa, Joseph tua anaupai Hagau Siengthou akipat ahi jieh in, Mari nazi a nalaah ding jausin; aman tapa khat ahing nei dinga, tualeh amipite akhelna uapat a ahukhiet ding jieh in amin Jesu nahisah ding hi.” Topan guolneite kam a anagenteng ataangtungta hi chi thei nadinga tam thute hing pieng ahi. “En in, Nungah Siengthou khat ahing gai dinga, tapa khat anei dinga, tualeh amin dingin, Emmanuel akichi ding hi,” Tuamin, Pasian ei toh umkhawm china ahi).
