Matthew 16:21–27
Jesu’n ashiding leh athawkia ding thu agen masahna
Tua hun apat in Jesu’n Jerusalem apei dinga upate siempuliente laigielte lah a agenthei thuoh dingte leh thalup a aum anithum zou a athaw ding dante anuazuite atheisahta hi. Tua leh Peter in ama atuom in ahoupi a; “Topa tua na tunga atunding Pasian in phalsih hen” chin aphawhta hi. Amapen kihei in, Peter kungah, “Setan, ka nuasangah um in, kei dingin kipalpuana nahi, Pasian lam ah na pangsih a, mihing lam na hunjaw hi,” achita hi.
Jesu nuazui dingdan
Jesu’n anuazuite kungah: “Koi hinanleh kei hingjui utten ama gimthuoh khawhsalou in asinglamte kipuoh in hing juita hen,” achi hi. “Koi hinanleh ahinna hunkhe jousien ataan ding ua, koi hinanleh kei jieh a ahinna taanten ahinna ahunkhe ding uhi.”! Mikhat in leitung pumpi nei henlen, ahinna taanta leh, ama dingin bang aphatuom diei? Ahisihleh mi’n ahinna taangin bang ape thei diei? Mihing Tapa vansawlsiengte toh apa thupina kivon in ahing pei dinga, khumi hun chiengin mi jousie anasep dungjui un nuomman apeding hi.
