Matthew 18:1–5, 10, 12–14
Vangam a lienpen koi ahiei?
Tualaitah in, nuazuite akungah ahing pei ua,” Vangam ah koi alienpen diei?” achi uhi. Tualeh Jesu’n naupang khat ahaan a, alai uah adingsah a, “Chitahtahin kahing hilh ahi, na lungsim nahei lamdang ua tam naupang na bahlou uleh, vangam natung ngaisih ding uhi. Naupangte banga kingiemkhiehte van gam ah alienpen ding hi.
Midangte kipalpuasahlou ding
Ka min a hichibang naupang khat lamdawn pouma kei hing lam dawn ahi;
Tam naupang neute lah a khat jong na simmawlou nadingun kiveeng un;van a vansawlsiengten ka Pa van a um mai a en tawntung uhi, chi kahing hilh ahi.
Keelnguoi mang gentena
Bang nachi ngaisut uoi? Pasal khat in keelnguoi zakhat nei henlen, alah ua khat vaahmangta leh, sawm kuolekuote muoltungah nuasie in avaahmangpen va suilou ding amah? Chitahtahin kahing hil ahi, amukiatah in avaahmang ngailou sawmkuolekuote tung sangin, khattungah akipahjaw ding hi. Tuama bangin, tam naupangte lah a khat manthai ding van a ka Pa deilam ahisih hi.
