Matthew 13:44–52
Suongmanpha gou leh lenpi gentena
“Vangam khu loulai a gou kiseel mi khat in amu a, aphuol bang ahi; tuatah in thanuomtah in apei a, anei jousie ava jua sienga, tua loupen aleita hi. Vangam pen summeet bawl a suongmanpha sui bang ahi kia hi. Tuachin, aman suongmanpha man tamtah khat amu a, anei jousie ava jua a, aleita hi. Vangam khu leenpi tuipi a kisep nga namkim huoikhawmna bang ahikia hi. Tualeh adimtah in luipieu ah akaikhie a, atou a, ahoiteng bawm sungah aguong a, ahoiloute pen apaimangta hi. Vannuoi bei hun chiengin tuabangin aum ding hi. Vansawlsiengte ahing kumsuh ding ua, midihtatte lah akipat in migiloute atuomkhen ding uhi; Tuachin mei-khuuh ah apai ding ua, tuanah kaa-leh-hagawina aum ding hi”. Jesun akung uah, “Tua thute jousie na theikimta uoi?” achi hi. Amauten ama kungah: “Ka theita uhi”achi uhi. Tualeh Aman akung uah: “Tua ahileh laigielte vangam thu kisinsahte khu, inntehpa’n agoubawm akipat a avan tha leh aluite a suokhiet mabang ahi,”achi hi.
