Matthew 10: 16-23
Bawlsietna hing tungdingte
“Ngai un, ngehon lah a keel nguoi banga kahing sawl nahi uhi; tuajieh in, guul bangin pil unlen, vakhu bangin nunneem un. Mihingte lah akipat kikeem un. Vaihawmte ahing mansah ding ua, kikhopna inn ah ahing saat ding uhi, Jentelte leh amaute masanga thutheisah dingin ka min in gamsung leh leengte maiah ahing kai ding uhi. Ahing mat chieng un, nathu gendan ding ahilouleh na thugen dingte lungkham sih un tua hunchieng in nathugendingte ahing kitheisah nading hi; Agenpa khu nouma nahisih ding ua, hinanleh na Pa uh Hagau in nou kamsung ah thu agen na ding hi. Thalup dingin sanggam khat in asanggampa amansah dinga, athatsah ding hi. Kamin jaal in miten ahing hoding ua, hinanleh atawp donga thuoh paupaupa maimai hundam ahiding hi. Kholien khat a ahing gawt uleh kho dangah tai un. Chitahtah in ka hing hil ahi, Mihing Tapa ahing pei masangsien Israel khote tuonsieng ding nahisih uhi.
