Matthew 10:7-15
Tualeh na peikawm un:“Van gam anaita hi,”chin baan gen un. Damloute damsah unlen, mishite kaithou unlen, phaahte siengthousah unlen, dawite deldoh un: amanbei in namu ua, amanbei ma in pie un. Na sum-ip uah ngun ahiei, dangka ahiei, sumsan ahiei kengsih unlen, khuolzin ding in thungpi ahiei, aangkii thuo ni ahiei, keengdap ahiei, chiengkhut ahiei kengsih un, ajiehpen naseemte neh muding a kilawm mawng ahi uhi. Khopi hileh khoneu hileh na luutna jousie uah natun nading lawm uah zintung unlen, na peikia masang un umden un. Tua innsunga na luut chieng un, jataatna pie un. Tua innsung tunna lawm ahileh atung uah nalung uh muong henlen, tunna lawmlou ahileh lungmuong sih un. Mi khat in nou ahing lamdot sih a, na thugente uh angainuomsih leh, tua inn le khuo na nuasie chieng un na keengtaw ua leivui thingkhie un. Chitahtah in ka hing hilh ahi, vaihawm ni chieng in tua khote saang in Sodom leh Gomorrah gimthuoh ding adan aumjaw ding hi.
