Matthew 9: 18-26
Jairus tanu akaithouna leh numei siluong adamsahna
Tam thute akung ua agenlaitah in, ngai in, vaihawmpa khat ahing luut a, tualeh amaiah akhupdin a: “Ka tanu tu mama in ashita hi; hinanleh hingpei inlen atungah na khut ngalachin ahing kia ding hi,” achi hi. Khumin Jesu adingkhie a, anuazuite toh khumipa anuajuita hi. Tuachin ngai in, numei khat kum sawmleni siluong a damlou khat anualang ah ahing peia tuachin apuon mong athamta hi. “Apuonmong khoikha leng dam vang,”chin angai sut hi. Khumin Jesu akiheia, tuami nu amu chiengin, “Ka tanu, lungmuongtah in um in, na ginna na dampita hi,” achi hi. Tualeh numeinu adampaita hi. Khumin Jesu vaihawmpa inn ahing tunga, tualeh theile muutte leh mipi buoite amutah in, “Ki peita un, nungahnu ashi ahisih a, a iimu ahijaw hi,” achi hi. Tualeh amauten anuisatta uhi. Hinanleh mihonpi atuomkhinjou un, aluut a, akhut in akaia, tuachin nungahnu ahing thoudohta hi. Khumin tam thu kigensawn khu gamsungte ah akithangta hi.
