John 20:24-29
Thomas kunga Jesu kilaana
Tualeh sawmlenite lah a khat mi koppien kichipa Thomas khu Jesu hingpei laitah in alah uah aumsih hi. Tuachin nuazui dangten akungah, “Kouten Topa kamuta uhi,” achi uhi. Hinanleh Thomas in akung uah, “Siakil a akikhetna, akhut kamu vateeh a, akikhetna maate a ka khutzung guonga, anaah ka tham vateeh sihleh tahsang sih vang,” achi hi. Ni giet zou in, anuazuite tua innsung ma ah aumkhawmkia ua, Thomas zong alah uah aum hi. Kotte kikhah sieng keei ahia, hinanleh Jesu ahingpei a, alah uah ahing dinga, tuachin, “Hamuonna nakung uah umta hen, ka khut en inlen na khutzung guong in, ka naah tham inlen, nakhut in sawh in tahsanglou in umsinlen tahsang in,” achi hi. Khumin Thomas in, “Ka Topa leh ka Pasian,” achi hi Jesu’n akungah, “Nang kei nahing mu jieh in nagingta amah? Mulou a gingtate khu ahampha uhi,” achi hi.
