Matthew 9:1-8
Jesu’n azeng khat adamsahna
Khumin Jesu kuong sungah aluut a, agaalkai a, ama khuo ah ahing luutta hi. En in, lupna tunga lum azeng khat akungah ahing jawng ua, tualeh Jesu’n aginna uh amu chiengin azengpa kungah; “Ka tapa, lungmuongtah in um in, na khelnate ngaidam ahita hi,” achi hi. Khumin, ngai in, laigielte khenkhat in alungsim un; “Tampa’n Pasian agensie hi,” achi uhi. Hinanleh Jesu’n angaisutnate uh atheia, “Bangdinga gitlou lungsim na ngaisut uh amah? ‘Na khelnate ngaidam hita,’ chileh, ‘Thou inlen peita’n’ chikhu heipen agen bailam jo diei?” Bang teng hitaleh, leitung ah Mihing Tapa’n khelnate angaidamthei hi chi nathei nading uh ahi,” achia, azengpa kungah “Thou inlen, na netpha laanlen na innah kipeita’n,”achita hi. Khumin athoua, a innah apeita hi. Mi honpi’n tuami amu chieng un, azau ua, tua banga mihingte tunga thuneina pepa Pasian apahtawita uhi.
