,
Matthew 8:1-4
Jesu’n phaah khat adamsahna
Khumin, muolvum akipat a ahing peisuh in, mihonpi’n ama ajuita uhi. Tualeh en in, akungah miphaah khat ahing peia, amasang ah, akhuupdin a,“Topa na utleh nahing siengthousahthei hi,” chin agen hi. Tualeh Jesu’n akhut in athama, “Ka ut hi, siengthouta’n,” achi hi.Khumin thakhat in aphaah khu asiengthou paita hi. Tuachin Jesu’n akungah: “Koima kungah gensin, ahivangin pei inlen siempu kungah va kilah inlen, Mousi’n silpieh ding achite khu mipite in atheichien nading un va ensahta’n,” achi hi.
