Matthew 7: 21-29
Ken noute hing theingai vawt sing
“ ‘Topa, Topa’ hing chi tapou vangam aluutsih ding ua, van a um ka Pa deilam bawlte maimai aluut ding uhi. Tuani chieng in, mi tampi’n: ‘Topa na min in thumavangte kagen ua, namin in dawite ka deldoh ua, namin in silthupite kabawljeel uh hilou amah?’ achi ding ua, Tuahun chieng in,‘Nou silhoilou bawlte aw, ken kahing thei ngai vawt sih hi, ka kung akipat in peimangta un,” chin amaute ka hilding hi,’ achi hi.
Innbawl ni gentena
“Tuachin mi jousie ka thu ja a, ajui pouma, mipil, suongpi tunga innlam toh gentethei ahi. Guo ahing ju a, tui ahing khanga, khopihui ahing laanga, tuami inn ahing muut a, hinanleh achimjou sih hi. Suongpi tunga kilamdet ahijieh ahi. Tualeh mi jousie ka thugen ja a, ajuilou pouma mimo seneel tunga innlam toh gentethei ahi. Guo ahing ju a, tui ahing khanga, khopihui ahing laantah in, tuami inn amuutpua a, nasatah in achimta hi,” achi hi. Jesu’n thu agenjoutah in, mipi ten athuhilte lamdang asata uhi. Laigielte bang hiloua, thuneipen banga amaute athuhil jieh ahi.
